Ert þú sumarhúsaeigandi?
Við hjálpum þér að leigja út sumarhúsið þitt.
Ert þú sumarhúsaeigandi og leitar eftir samstarfsaðila til að leigja út sumarhúsið þitt? Viator Summerhouses GmbH hefur yfir 20 ára reynslu í útleigu sumarhúsa á Íslandi og leggur mikla áherslu á að gera það eins einfalt og áreynslulaust og mögulegt er fyrir eigendur að leigja út sumarhúsið sitt.
Markmið Viator er að gefa sumarhúsaeigendum tækifæri til þess að hafa tekjur af eignum sínum meðan þær eru ekki í notkun á löglegan hátt og um leið að bjóða erlendum ferðamönnum uppá skemmtilegan og fjölskylduvænan gistimöguleika á ferðalagi sínu um landið. Í dag eru um 250 sumarhúsaeigendur sem nýta sér þjónustu Viator og fer sá fjöldi ört vaxandi. Fyrirtækið er það elsta sinnar tegundar á íslandsferðamarkaðnum í miðevrópu og það eina sem miðlar sumarhúsum eingöngu til erlendra ferðamanna. Sem frumkvöðull í miðlun sumarhúsa á íslandi til erlendra ferðamanna hefur Viator alla tíð lagt áherslu á gott samtal og samstarf við yfirvöld og hagsmunaaðila á Íslandi um starfsemina.
Helstu kostir samstarfs við Viator
Þú getur haft góðar tekjur af annars lítið nýttu sumarhúsi.
Ráðgjafi okkar er þér innan handar við undirbúning útleigu.
Þú þarft ekki að hætta að nota húsið þitt. Þú ákveður hvaða vikur þú vilt hafa eignina í útleigu og getur annars notað húsið þitt sjálfur.
Viator sér alfarið um alla þjónustu og öll samskipti við gestinn, þú þarft ekkert að gera.
Viator sér alfarið um að gengið sé vel um húsið, þú þarft ekki að þrífa eða taka til eftir hverja útleigu.
Viator sér um að markaðssetja eignina. Við vinnum með tryggum og traustum samstarfsaðilum um víða Evrópu en einnig er bein markaðssetning á heimasíðu Viatis sem er vörumerki okkar.
Skoðaðu heimasíðu okkar fyrir eigendur til að fá frekari upplýsingar.
